Элиф Шафақ: Шараф

Элиф Шафақ - дунёга машҳур турк ва инглиз ёзувчиси. У ўзининг Шарқ ва Ғарб мотивлари уйғунлигида ёзилган, севги ва ундаги қарама-қаршиликлар ҳақидаги таъсирчан романлари орқали халқаро эътирофга сазовор бўлган.

Унинг ҳар бир китобини миллионлаб мухлислар алоҳида сабрсизлик билан кутишади.

Муаллифнинг "Шараф" романи бу - ҳақиқий севги ва шафқатсиз тушунмовчилик, баъзан яқинингизни қутқариш учун қилиш керак бўлган мураккаб танлов ҳақидаги асардир.

Воқеа қаҳрамонлари бўлган эгизак опа-сингиллар Пимби ва Жамила, қизларнинг ор-номуси муҳим саналган ҳамда итоаткорлик хислатлари қадрланадиган юртда: Туркия ва Сурия чегарасидаги қишлоқда вояга етишгач, уларнинг тақдир йўллари айро тушади. Пимби турмушга чиқиб, оиласи билан Лондонга кўчиб кетади, эгизак синглиси Жамила эса қишлоғида қолиб, доялик қилади.

Асарда ёрқин туйғулар ва самимий инсоний кечинмалар тўлиқ очиб берилган.

"Шараф" романи илк бора ўзбек тилида нашр этилмоқда. Асар кенг китобхонлар оммасига мўлжалланган.

Таржимон : Сайдаҳмедова Марҳабо Маъруфжон қизи