Бора Ийиат: Бизни қандай бошқаришади

Психологик уруш разведка ва тарғибот воситалари орқали олиб борилади. Аввало, нишон қилинган гуруҳ ёки жамиятнинг ижтимоий психологияси ўрганилади ва уларнинг заиф томонлари аниқланиб, айнан шу нуқталардан психологик зарба берилади.Бу урушда асосий мақсад - бор бўлмаган нарсани бордек кўрсатишдир. Бунга эришиш учун эса кучли ахборот кампаниялари, чалғитувчи тарғибот усуллари ишлатилади. Фақатгина бу урушда қўлланиладиган воситалар ўзгариб келмоқда. Психологик урушнинг энг муҳим белгиси - нишон қилинган шахс ёки гуруҳнинг ўз мағлубиятини тўлиқ тан олишидир. Ҳозирги кунда бу уруш турли далиллар ва айбловлар орқали амалга оширилмоқда. Деярли ҳар бир янгилик остида бу урушнинг изларини кўриш мумкин. Ҳар бир муҳим воқеадан кейин рўй бераётган ҳодисаларни таҳлил қилганимизда, вазиятнинг нақадар жиддийлигини янада аниқроқ тушунамиз. Аммо биз учун энг катта умид берувчи жиҳат - бу урушда ким ғалаба қозонишини охир-оқибат бизнинг ўзимиз ҳал қилишимиздир