Анорқул Рустамов: Оилани қандай бошқариш керак

Таълим-тарбиянинг нозиклиги шундаки, кучсиз таълим-тарбия оилага ғам-ташвиш келтиради. Бундай тарбиянинг натижаси ажралиш, йўқотишга олиб келади. Ҳаёт тажрибасига таянган ҳолда қўлланган тарбия оилани мустаҳкамлайди, унга аҳиллик, шодлик, фаровонлик инъом этади. Тўғри ва ўз ўрнида берилган тарбия кексайганда мева беради. Бу ўринда ўз оиласини тўғри йўлга сола олган отанинг роли ва аҳамияти беқиёсдир. Қуйида оила тарбиясининг айрим жиҳатларига тўхталдик, уни таҳлил қилишга, хатолардан сабоқ чиқариб, тўғри йўлдан бориш учун нималарга эътибор бериш бўйича ўз муносабатимизни билдиришга ҳаракат қилдик.