Anni Shmidt: Mushuklar malikasi Minush

Odamlarning yomonliklari, ona tabiatga, hayvonlarga, jamiyatga ziyon yetkazishi haqida ertaklar, qissalar juda ko‘p. Lekin hayvonning odamga aylanib, atrofdagilarga yaxshilik ulashishi, xuddi odamdek umr kechirishi ham qiziq, ham hayratlanarli. Kichkina shaharchadagi dongdor gazeta muhbiri, oqko‘ngil, mehribon Tibbe va uning insonga aylanib qolgan do‘sti, kotibasi Minush haqidagi ushbu qissa bir-biridan qiziq, g‘aroyib, ajabtovur voqealarga boy. "Mushuklar matbuot xizmati", uylar tomidagi "Konsert kechasi", Minushning tomma-tom sakrab, xo‘jayini uchun do‘st-dugona mushuklardan maʼlumot to‘plashi va shu orqali ayrim kimsalarning yovuzligini fosh etishganini bilish rosa qiziq-a? Mushukoy Minushning boshidan kechirganlari, odamga aylanganidan keyingi hayot sizni sinchkovlikka, to‘g‘riso‘zlikka, adolat uchun kurashishga undasa ajabmas.