Анни Шмидт: Мушуклар маликаси минуш

Одамларнинг ёмонликлари, она табиатга, ҳайвонларга, жамиятга зиён етказиши ҳақида эртаклар, қиссалар жуда кўп. Лекин ҳайвоннинг одамга айланиб, атрофдагиларга яхшилик улашиши, худди одамдек умр кечириши ҳам қизиқ, ҳам ҳайратланарли. Кичкина шаҳарчадаги донгдор газета муҳбири, оқкўнгил, меҳрибон Тиббе ва унинг инсонга айланиб қолган дўсти, котибаси Минуш ҳақидаги ушбу қисса бир-биридан қизиқ, ғаройиб, ажабтовур воқеаларга бой. "Мушуклар матбуот хизмати", уйлар томидаги "Концерт кечаси", Минушнинг томма-том сакраб, хўжайини учун дўст-дугона мушуклардан маълумот тўплаши ва шу орқали айрим кимсаларнинг ёвузлигини фош этишганини билиш роса қизиқ-а? Мушукой Минушнинг бошидан кечирганлари, одамга айланганидан кейинги ҳаёт сизни синчковликка, тўғрисўзликка, адолат учун курашишга ундаса ажабмас.