Аҳмад Ҳодий Мақсудий: Муаллими Соний

Қўлингиздаги ушбу китобча ва унинг муаллифига чин маънода бахтли такдир насиб этган. 1868-йилнинг 26-сентябрида Қозон уездининг Тошсув кишлогида туғилиб, Козондаги "Қосимия" мадрасасида таълим олган Аҳмад Ҳодий Мақсудий рахматуллоҳи алайҳи ҳали анча ёшлигида ушбу қўлланмани тузар экан, у асрлар оша авлоддан-авлодга Аллох таолонинг Каломи асосида араб алифбосида хат-савод ўргатиш билан бирга дастлабки курьоний сабоқ беришда давом этишини Парвардигори оламдан сўрагани аниқ. Ҳозирги пайтда бу соҳада кўплаб бири-биридан қизиқарли, салмокли дарслик ва кўлланмалар яратилганига қарамасдан, муаллифнинг бошқа асарлари, жумладан, "Ибодати исломия" сингари бу мўъжаз китобча ҳам содда, ўзлаштиришга осон ва дилга якинлиги билан ҳанузгача кўплаб мусулмон диёрларида илм толибларини ўзига тортиб келаётгани, албатта, бу дуонинг ижобатидир.