Abu Ali Ibn Sino: Tib qonunlari 1

Abu Ali ibn Sino «Tib qonunlari»ning Birinchi kitobida tibning nazariy masalalari, Ikkinchi kitobida sodda dorilarning tavsifi va tibbiy taʼsiri, yaʼni dorishunoslik masalalari ko‘rilgan edi.
    Asarning Uchinchi kitobi uning eng katta qismi bo‘lib, u odam tanasi aʼzolarining kasalliklari tashxisi va muolajasiga bag‘ishlangan. Unga, o‘rta asr tibbiy anʼanasiga ko‘ra, boshdan oyoqqacha bo‘lgan aʼzolarda sodir bo‘ladigan, o‘sha davrda maʼlum ko‘p kasalliklar kiritilgan.
    Uchinchi kitob hajm jixatidan katta bo‘lgani uchun asarning avvalgi nashrlarida u ikki jildga bo‘lib chop etilgan edi, uchinchi nashrda ham shu shakl saqlandi. Zero, bu nashr «Tib konunlari» Uchinchi kitobining 1979— 1980 yillarda amalga oshirilgan ikkinchi nashri asosida tayyorlandi. Uchinchi nashrda xam matnning bo‘linishi avvalgisidek qoldirildi, yaʼni birinchi jildga I—XII fanlar va ularga tegishli izoxlar, ikkinchi jildga esa XIV-XXII fanlar hamda butun Uchinchi kitobga tegishli kursatkichlar kiritildi.
    “Qonun”ning Uchinchi kitobini o‘zbek tiliga tarjima qilishda asos qilib bu asarning XII asrda ko‘chirilgan va Leydenda saqlanayotgan qo‘lyozmasi olingan bo‘lib (Bibliothecae Academia Lugduno - Batava, Cod. Or 7), bu qo‘lyozma izohlarda L sigli bilan belgilangan.
    “Qonun”ning oldingi ikki kitobida qilinganidek, Uchinchi kitobda ham tarjima uchun yordamchi manba sifatida uning 1877 yilda Buloq (Misr)da bosilgan nusxasidan foydalanilgan (bu kitob B sigli bilan belgilangan). B bilan L orasidagi muxim farqlar izohlarda ko‘rsatilgan.
    Ushbu nashrda izoh va ko‘rsatkichlar qayta ko‘rib chiqildi.Kitob FA-F1-027 «Markaziy Osiyo xalqlari yozma merosini o‘rganish: manbashunoslik va matnshunoslik tadqiqotlari» fundamental loyixa doirasida nashrga tayyorlandi.