Абдурасул Абдуллаев: Дақиқа қадри (1-китоб)

Инсон ақли ва тафаккури жамики муаммоларни ечишга қодир. Бизнинг бутун қадр-қимматимиз, куч-қудратимиз билимдонликдадир. Айнан шу фикрларимиз бизни камолотга элтувчи йўл бўлиши лозим. «Заковат» интеллектуал ўйинининг асл мақсади ҳам шу. Шу боис ушбу кўрсатув телетомошабинлар диққат-эътиборини қозониб келмоқда.

Телебошловчи Абдурасул Абдуллаевнинг муаллифлиги остида нашр қилинган "ДАҚИҚА ҚАДРИ" номли ушбу китоб 1001 савол ва унинг 1001 жавобидан иборат. Шунингдек, китобда «Заковат» интеллектуал ўйини ҳақида қизиқарли маълумотлар келтирилган.

Китоб таълим муассасаларида «Заковат» ўйинларини ташкил этишда, ёшларимизнинг интеллектуал салоҳиятини оширишида муҳим қўлланма бўлиб хизмат қилиши билан ҳам аҳамиятлидир. Юртдошларимизнинг қизиқарли мактублари, ижод намуналари, савол ва жавобларидан иборат ушбу китоб барчангизга манзур бўлади. деган умиддамиз.

Китоб кенг оммага мўлжалланган.