Абдумурод Тилавой: Соғлом эътиқод ва тарбия китоби

Мазкур китобда иймон, ислом, ахлоқ-одобга доир энг муҳим масалалар савол-жавоб услубида, диёримиз мусулмонлари амал қилаётган ҳанафий мазҳаби асосида содда услубда баён қилинган. Ўқувчининг имконияти ва қизиқишлари инобатга олиниб, ҳар мавзудан сўнгра ибратли ҳикоят ва ривоят, муборак каломлар, шунингдек, дунё мутафаккирларининг ҳикматли сўзлари, «Қобуснома» асаридан парчалар ва Луқмони Ҳакимнинг ўғлига насиҳатлари, Абдухолиқ Ғиждувоний, Баҳоуддин Нақшбанд каби зотларнинг муборак ўгитлари баён этилган. Алишер Навоий, Махтумқули, Бобораҳим Машраб ва бошқа шоирларимизнинг назм жавоҳирлари китобнинг мазмун-моҳиятини янада бойитган. Улуғ ватандошимиз Имом Абу Мансур Мотуридийнинг Панднома” номли асаридан айрим боблар, Имоми Аъзам Абу Ҳанифанинг "Фиқҳул" акбарасари, шунингдек "Қирқ ҳадис, ҳикмат, мақол" билан ҳам ушбу китобнинг илова қисмида баҳраманд бўласиз.