Абдулла Орипов: Мен нечун севаман Ўзбекистонни

Ўзбек шеъриятининг забардаст шоирларидан бири Абдулла Орипов ижоди мисоли булоқ сувидек. Булоқ суви қалбга ором, танга дармон берганидек, шоир шеърлари ҳам кўнгилга ажиб таскин, озуқа беради. шу сабаб бўлса керак, унинг шеърлари дейарли ҳар бир ўзбек фарзандига ёд бўлиб кетган.

Қўлингиздаги китобда шоирнинг турли йилларда ёзилган енг сара шеърлари жамланган. Мазкур шеърий тўплам ўқувчиларни Она Ватанга садоқат, ота-онага ҳурмат, устозга еҳтиром, дўстларни қадрлаш, табиатга ғамхўрлик қилиш руҳида тарбиялаш баробарида шеърият оламига ҳам ошно қилади. Севимли шоиримиз Абдулла Орипов қаламига мансуб шеърлар гулдастаси китоб жавонингиз тўридан муносиб жой эгаллашига ишонамиз.