Абдуқаҳҳор Иброҳимов: Бизким, Ўзбеклар

Ушбу китобда тарихдан қолган хотиралар ҳақида сўз боради. Агар 1991 йил миллий мустақилликка эришмаганимизда “Бизким, ўзбеклар” китоби ҳам дунёга келмас эди.

Асарда аждодларимиз, насл-насабимиз кимлар эканлиги, бизнинг қандай халқ эканлигимиз, этник жиҳатдан халқ бўлиб, шаклланиш жараёнимиз қандай кечганлиги, ўзбек давлатчилиги қандай пайдо бўлганлиги ҳақида сўз боради.

Китоб 1999 йилда 10 минг нусхада чоп этилганди. сўнг 2001 йилда иккинчи маротаба нашр этилди. 2011 йил чоп этилган адиб “Танланган асарлар”нинг учинчи жилдидан ҳам “Бизким, ўзбеклар” ўрин олди. Тўртинчи нашр ҳам ўша йилнинг ўзида Ўзбекистон Республикаси Давлат мустақиллигининг йигирма йиллига бағишлаб чоп қилинган эди.

Биз ўзимизни миллат деб билан эканмиз, ўзбекчилигимиз ҳақида аниқ тушунчага эга бўлишимиз керак. Масалан, туркий тилли халқ бор, турк халқи бор. Улар иккиси ўртасидаги фарқни ҳар бир одам, аввало, фарзандларимиз билиши керак. Шунингдек, улар ўз миллатига оид, давлатчилигига оид билимларни ҳам яхши ўзлаштириши керак. Китобда давлатчилигимиз тарихига оид муҳим манбалар ўрин олган, дейди Абдуқаҳҳор Иброҳимов.