Zamira Ro'ziyeva: Ziynatbog'. Mevalar tilga kirganda

Zamira Ro‘ziyevaning jajji bolajonlarimizga bag‘ishlangan «Ziynatbog‘» nomli ushbu to‘plami jannatmakon O‘zbekistonimiz tuprog‘idan quvvat olib pishadigan mevalar va poliz ekinlari tilidan yozilgan yumorga omixta, o‘qilishi ravon sheʼrlardan tarkib topgan. To‘plam mitti sheʼriyat ixlosmandlarining dunyoqarashini kengaytirib, tasavvurini boyitishga ko‘maklashadi.

Bu sheʼrlarni o‘qib, fikri tiniqlashgan jajji kitobxonning qalbida quyoshi mo‘l-ko‘l, tuprog‘i moʻjizakor Ona Vatanimizga, Vatan tuprog‘i bilan tillashib, to‘kinlik yaratayotgan sohibkorlarimizga mehr-muhabbati ortadi.