Жавлон Жовлиев: Онам ва коинот

Жавлон Жовлиев юрагида катта дардлари бор ёзувчи жиддий мавзуларда куюниб ёзадиган адиблардан. Қўлингиздаги китобга унинг турли йилларда ёзган ҳикоялари киритилди.

Китоб мутолааси давомида адибнинг орзу-истакларини англагандай бўласиз: у одам боласининг асл инсон, манқуртликдан қутулиб, фикрлайдиган, юрт ва миллат учун қайғурадиган шахс бўлишини истайди, қўрқоқлик, икки- юзламачилик, манфаатпарастлик ва хоинликдан йироқ гўзал жамиятгина тараққиётга эриша олажагини уқтирмоқчи бўлади; ҳар бир одам фикрий қуллик, маънавий қўрқоқликдан қутулиб, асл Комилликка етишиши лозимлигини таъкидлайди. Шундагина дунёда жаҳолат урчимайди, башарият таназзулига сабаб бўладиган турли инқирозлар юз бермайди, қирғинбарот урушлар бўлмайди.

Кутубхонангиз янги китоб билан бойиганига ҳисса қўшаётганимиздан мамнун бўлган холда Сизга мароқли мутолаа тилаймиз, азиз китобхон!