Жалолхон Умаров: Асл оталар китоби

Бу дунёда сири бўлмаган одам кучсиз одамдир дейди мутафаккирлар. Ҳар қайси тоифадаги инсоннинг маълум сири бўлганидек, оталарнинг ҳам ўзлари яратган, кашф қилган сирлари бўлиши керак. Демак, ҳар бир яхши отанинг бир қарашда оддий, лекин кучли сирлари мавжуд.

Яхши ота фарзандларига меҳрибон, ширинсўз, ўрни келганда қаттиққўл ва талабчан бўла олган отадир. Ҳар қайси ота фарзанди учун энг яхши ота ҳисобланса керак, чунки болалар отасини камчиликлари билан ҳам яхши кўради. Асосийси фарзандини моддий жиҳатдан таъминлаш, уларнинг илм олиши, ҳунар ўрганиши, комил инсон бўлишида ҳар томонлама қўллаб-қувватлашдир. Оиласини ҳимоя қилиш – Oтaнинг бурчи. Ота оиланинг таянчи ва фарзандларининг суянчи бўлиши керак

Ушбу китобда муаллиф фарзанд тарбияси, яхши ота бўлиш сирлари ҳақида ўз ҳаётий тажриба ва билимларини баҳам кўради. Китоб барча оталарга, ота бўлиш арафасида турган ёш йигитларга зарур қўлланмадир. Кенг китобхонлар оммасига мўлжалланган.