Ёқуб Умарўғли: Ўн доллар

Ёқуб Умарўғли турк дунёси адабиёти ва адабий алоқаларини ривожлантиришга катта ҳисса қўшган адиб, олим ва жамоат арбобидир. Турк тилида ижод қилган атоқли ёзувчи ўзбек адиблари билан яқин дўст ва фаол ижодий ҳамкор эди. Навоий шаҳрида бўлиб ўтган "Мумтоз шеърият" халқаро фестивали ва ТуркСОЙ Ёзарлар бирлигининг биринчи йиғилишида қатнашиб, адабий маъруза қилгани эсимизда. Бу дилбар инсон билан суҳбатлашиш ҳамиша мазмунли ва мароқли бўлган. Ёзувчининг асарлари бошқа туркий тиллар қатори ўзбек тилига ҳам таржима қилинган ҳамда чоп этилган. "Ўн доллар" деб номланган қуйидаги китобга унинг "Кечки сайр", "Икки чинор", "Қанд" каби ўндан ортиқ ҳикоялари киритилган. Миллий ва умуминсоний қадриятлар тараннум этилган ушбу асарлар китобхонларга манзур бўлади, деган умиддамиз.