O'ta Berdiyor: Shahardan xat

O'ta Berdiyor yoshi to'qson beshdan oshib, yuzga yuzlashib borayotgan bolalar shoiri. Uzoq va ibratli umri davomida maktabda muallimlik qilgan, bolalarga dars bergan, saboq o'rgatgan. Doimo bolalar yonida yurgani uchunmi, o'zi ham boladay beg'ubor, sodda, hayrati kuchli. Mana shu hislat uning she'rlariga ko'chgan. Shoir bobo bolalarning tiniq, musaffo, kamalak rangidek yorqin o'y-xayollari, shirin va beozor qiliqlarini qalamga oladi, jajji bolajonlarning kattalar uchun qiziq va hayratlanarli ichki olamini kashf etadi.
Shuning uchun O'ta Berdiyorning she'rlari mutolaasi ham bolalar, ham kattalar uchun zavqli, hayajonli va ta'sirli.
Ushbu kitob shoir tavalludining 95 yilligi munosabati bilan nashr etilmoqda.