Усмон Носир: Замондошлари хотирасида ва мухлислари васфида

Бу йил ўзбек адабиётининг атоқли намояндаси, қатағон даврининг қурбонларидан бири, шоир Усмон Носир туғилган кунга 110 йил тўлади. Шу муҳим воқеа муносабати билан Ўзбекистон Республикаси Президенти Ш.М.Мирзиёев имзо чеккан қарорга кўра, Тошкент, Наманган, Қўқон ва шоирнинг сўнгги кунлари кечган Россиянинг Кемерово шаҳарларида Усмон Носир таваллудининг 110 йиллигига бағишланган адабий-бадиий кечалар ва бошқа қатор тадбирлар ўтказилади. Шу қарорда бажарилиши кўзда тутилган ишлардан бири Усмон Носирнинг давлат ва хусусий архивларда сочилиб ётган асарларини тўплаб, шоир асарларининг мукаммал ва муҳташам тўпламини, иккинчиси эса замондошларнинг у ҳақидаги хотиралари, адабий-танқидий мақолалари, шоирларнинг устозга бағишланган шеърларидан иборат ўзига хос "усмоннома"ни нашрга тайёрлаш ва чоп этишдир.

Ушбу тўпламни тайёрлашда Усмон Носир ҳақидаги энг сара хотиралар, мақолалар ва шеърлар танлаб олинди.