Томас Ҳаррис: Қизил аждарҳо (Yangi asr avlodi)

Федерал қидирув бюроси руҳий хаста жиноятчилар шифохонасида ҳибсда сақланаётган руҳшунос шифокор Ганнибал Лектернинг ёрдамига муҳтож. Қобилиятли изқувар Уилл Грехем "Қотилни қотил тута олади" деган тамойилга асосланиб, Америка Қўшма Штатларини зир титратаётган "Тиш париси" лақабли бешафқат қотилни тутишда ёрдам беради. Ахир ўзи учига чиққан жиноятчи бўла туриб, Ганнибал Лектер нега боши берк кўчага кириб қолган, мамлакатнинг манаман деган изқуварларига тутқич бермас қотилни тутишда қимматли маслаҳатларини беришга рози бўлиши мумкин? Қамоқхонанинг зерикарли муҳитидан тўйган Лектер ҳам бу илтимосга рози бўлади. У Федерал қидирув бюроси излаётган жиноятчини қўлга олиб, ўзидан-да ақллироқ қотил йўқлигини исботламоқчи бўлади.

Психологик триллер жанри бўйича энг яхши асарлар рўйхатидан жой олган жаҳон бесцеллери "Қизил аждарҳо" муаллифи "Тҳе Wашингтон Пост" нашри томонидан "Ҳеч бир ёзувчи инсон қалбида илдиз отган зулматни Ҳаррисдан кўра чуқурроқ ва холисроқ ёрита олмаган ва ярата олмайди ҳам", дея эътироф этилган. Стивен Кинг эса "Ҳарриснинг триллерларини мутолаа қилиш гўё қўлнинг муздек ипак узра оҳиста ҳаракатланишига ўхшайди", дея ижобий фикр билдирган.