Тоҳир Малик: Залолатга ботма, ей инсон

Ўзбекистон халқ ёзувчиси Тоҳир Малик томонидан тартиб берилган бу китобда адиб бизларни энг ёмон иллат ҳақидаги суҳбатга чорлайди. Ҳеч биримизга сир эмаски, майхўрликка , гиёҳвандликка берилганлар, адашган бандалар ичида ўзимиз учун энг ардоқли бўлмиш инсонлар- бировимизнинг ота-онамиз, бировимизнинг оға-иниларимиз, яна бировимизнинг фарзандимиз, яқин ёки узоқроқ қариндошимиз, қўшнимиз, ҳамкасбимиз... ҳам бор. Эҳтимол, улар ҳидоятдан адашганларини биларлар, эҳтимолки билмаслар. Билмаганларга билдириб қўйиш вазифамиз эмасми ? Эҳтимол улар жаҳолат ва гуноҳлар жаридан қутулмоқчилар-у, аммо тўғри йўлга чиқишга кучлари етмаётгандир. Уларга ёрдам қўлини узатиб, иймонсизликдан қутулишга кўмаклашиш бурчимиз эмасми ? Мазкур китоб мана шу хайрли ишимизда кўмак берар, иншааллоҳ!