Tahsin Posho: Sultonning sirdoshi

Tahsin posho 1894 yilda saroy Bosh kotibligiga sulton tarafidan tayinlangan bo‘lib, bu vazifada Abdulhamidxonning taxtdan tushirilishiga qadar, ya’ni 1908 yili avgust oyida saltanat tugallanguniga qadar davom etgan. Shu yildan keyin «Ittihotchi» (Ittifoqchi)lar tomonidan Salonikdagi Xios oroliga surgun qilingan.

Tahsin poshoning «Xotirot»ini soddalashtirilgan tilda chop etishni lozim deb bildik. Ba’zi bo‘limlarda mavzularning uzviy bo‘lmagani, ba’zi bo‘limlarda esa sarlavhasiz berilgani matnning asliga muvofiq bo‘lishi uchundir. Bo‘limlarni tartiblashda ba’zi kichik o‘zgarishlar qilingan. O‘kuvchi zerikmasligi uchun qisqa ma’lumotlarning har biriga alohida sarlavha qo‘yilmagan.