Соатмўмин Бўриев: Сеҳрли овоз соҳиби

Бу ёруғ оламда инсон пайдо бўлганидан бери ўзаро сўзлашув жараёни натижасида қайсидир оҳангда ўз замонаси зайлига мос равишда қўшиқлар ҳам яралиб келган. Қўшиқлар ўз вақтида инсоннинг руҳини кўтарган, ҳар қандай тушкунликдан ўзини асрашга кўмаклашган ва кайфиятини чоғ қилган. Бугунги кунда инсон қўшиқсиз ўзини тасаввур қилиши қийин. Қўшиқ айтишни билмадим деган инсон ҳам ҳеч бўлмаганда хиргойи қилиши аниқ. Демак, қўшиқсиз ҳаёт бўлмаган ва бўлмайди ҳам.

Ушбу мўъжазгина рисолада ўзбек қўшиқчилик санъатининг дарғаларидан бири, халқ суйган ҳофиз Ўзбекистон, Туркманистон ва Қорақалпоғистон Республикалари халқ артисти Ортиқ Отажоновнинг ҳаёти ва ижодий фаолияти қаламга олиниб, у ижро этган қўшиқлар оламига кириб борилади. Ишончимиз комилки, рисолани ўқиган ҳар бир қўшиқсевар мухлислар ундан ўзига керакли бўлган маънавий озуқани оладилар.