Шоҳида Ибрагимова: Инвестор кундалиги

Мен "Инвестор кундалиги" номли махсус қўлланмани сизга тақдим этар эканман, кундалик сизга қанчалик фойдали эканлиги мени ғоятда бахтиёр қилмоқда. Бу қўлланмани яратишдан асосий мақсад халқимиз турмуш даражасини бир поғона юқорироққа олиб чиқиш ва молиявий саводхонлик даражасини оширишдир. Бу қўлланмадан фойдаланишни бошлар экансиз ҳаётингиз тартибли ва баракали болишни бошлайди. Сабаби, қўлланмадаги сиз учун махсус тайёрланган ҳар бир кўрсатмалар кунингиз, пулларингиз ва ҳатто шахсий ривожланишингиз учун ҳам ижобий таъсир қилади.

Бугунги кунда замон шиддат билан тезлашиб бораётганлиги сабабли 10 йил олдинги келажакни ўйлаган ҳолда иш тутишга тўғри келмоқда. Меҳнат жараёнлари такрорланувчи касблар(ҳайдовчилик, операторлик, кассирлар ва ҳоказо) автоматлаштирилмоқда. Бундан ягона хулоса, келажак касбларини ҳозир ўрганишдир. Хусусан, инвесторлик ҳам яқин 5 йилда Ўзбекистонда ўз ўрнига эга бўладиган соҳалар сирасига киради.

Айнан мана шу кундалик инвестор бўлишингиз учун ёки инвестиция моҳиятини англаб етишингиз учун жуда катта имкониятлар эшигини очади. Бугунги замон молиявий саводхон бўлишни талаб қилмоқда. Негаки, талабдан кўра таклиф кўп. Илмсизлик туфайли кераксиз таклифлардан фойдаланишингиз оқибатида катта молиявий йўқотишларга дуч келишингиз мумкин. Мана шундай муаммоларга ечим тақдим эта оладиган "инвестор кундалиги" номли махсус ён дафтарча доимий фойдаланишингиз ва доим бирга олиб юрадиган ҳамроҳингиз бўлади деган умиддаман.

Ҳурмат билан, Шоҳида Ибрагимова ва Moliya.uz жамоаси