Шавкат Раҳмон: Зулфиқор руҳ

Шавкат Раҳмон ХХ аср ўзбек адабиётининг забардаст намояндаларидан биридир. Унинг шеърияти - ўлмас шеърият. Бу шеърият инсон юрагини ҳар гал ларзага солиб юборади, ақлини шоширади, ўйлашга ундайди. Шоир ижоди билан илк бор танишаётган китобхон мутолаа чоғида сезгилари нозиклашиб, туйғулари ўткирлашиб, теварагига, одамларга, воқеа-ҳодисаларга қарашлари теранлашиб бораётганини ҳис этади. Мутолаа битгач эса туйқус ўзини қўярга жой топа олмай қолади. Сабаби, шоир ўзи айтган гапга не қадар чин кўнгилдан ишонган бўлса, унинг сўзи билан амали бир эканига ўқувчи ҳам шу қадар ишонади. Чунки Шавкат Раҳмоннинг сўзи тирик, сўзида ўзи тирик!

Чин шеъриятни соғинган шеърхонга ушбу китоб муборак бўлсин!