Сара Гурбуз Ўзерен: Кичик сув томчисининг дунёга саёҳати

Азиз китобхон, сиз фан, география ва тарихни уйғунлаштирган ажойиб саргузаштга тайёрмисиз?! Ушбу китоб билан сиз йиллар олдин баҳайбат "Титаник" ҳалокати сабаб айсбергга ёпишиб қолган кичик сув томчисининг асрларча давом этган тутқунлигининг ниҳояланишига гувоҳ бўласиз.

Атлантика океанидан Африкагача, Европадан Истанбул Босфоригача, Қора денгиздан Шарқий Анадолугача дунё бўйлаб саёҳатга чиқасиз.

Кичик томчининг нигоҳи билан сувнинг барча кўринишларини учратасиз, музликдаги, океандаги томчи, баъзан эса осмонда булут бўлиш ҳаяжонини ҳис қиласиз.

Сув турбиналарининг электр энергиясини қандай ишлаб чиқаришини ва сув тегирмонларининг ишлаш тамойилларини ўрганасиз.

Кичик сув томчиси қор бўлиб тоғларга, ёмғир бўлиб яйловларга ёғади, артизанлардан отилиб чиқади, сел бўлиб, сизни ўзи билан далаларга олиб боради...

Ушбу китоб ёрдамида сиз географик маълумотлар орқали Ер ва осмоннинг ажойиб тартибини кашф қиласиз. Икки бошли бургутдан найза ўйинигача бўлган Анадолу тасвирларига дуч келасиз, экологик мувозанат ва атроф-муҳит ҳақидаги билимларни эгаллаш билан боғлиқ ажойиб саргузаштларни бошдан кечирасиз.