Рустам Мирвоҳид: Сенингдирман

Рустам Мирвоҳид шеърларида жозиба, ўзига хос оҳанрабо бор. Ватан, Она, табиат, халқ, муҳаббат мавзуларида ёзган жуда чиройли, тоза, оҳорли ғазал ва шеърлари Сизни хаёлот оламига, мушоҳадаларга чорлайди. Шоир ижодида мумтоз адабиёт анъаналарига муҳаббат яккол сезилади. Нозик дидли ижодкорнинг ғазаллари ўкувчини мумтоз оҳангларга ошно қилади.

Ушбу тўпламни ўқиркансиз, элнинг садоқатли фарзанди, тўғрисўз шоир қиёфаси кўз олдингизда гавдаланади. Шеърларнинг мавзу кўлами ҳам жуда кенг. Рустам Мирвоҳиднинг "Сенингдирман" шеърий тўплами кўнглингиз мулкига айланиб қолади, деб умид қиламиз.