Роберт Грин: Тарих сабоқлари ва ҳаёт стратегиялари

Роберт Грин 1959 йил АҚШда туғилган. У қатор нуфузли олий ўқув юртларида таҳсил олган. Ўнга яқин хорижий тилларни билади. "Ҳамма сиғинадиган сиёсатшунос" деган ном олган. Р.Грин асарлари дунёнинг юздан зиёд мамлакатларида нашр қилинган. У кўп қиррали ижодкор - сиёсатшунос олим, сценарист, психолог ва ёзувчидир.

Роберт Америка президентлари ва ҳукумати сиёсатининг стратегик йўналишлари бўйича маслаҳатчи ҳисобланади. Кўпроқ АҚШ демократик партияси сайлов технологияларини ишлаб чиқишда фаол иштирок этади.

Муаллиф ушбу китоб орқали одамларни ўз ҳаётида дуч келаётган муаммоларга тарихий сабоқлар асосида ечим топишга ундайди. Бу асарни кўпроқ руҳият ва иродага тааллуқли десак тўғри бўлади. Асарни баъзи жузъий қисқартиришлар билан таржима қилганимиз боис уни "Тарих сабоқлари ва ҳаёт стратегиялари" деб номлашни маъқул кўрдик.