Радислав Гандапас: Тўлақонли ҳаёт

Муваффақият - бу моддий фаровонлик ва унга эришиш йўлида ниманидир қурбон қилиш лозимлигига кўпчилик ишонади. Кўпчилигимиз ўз ҳаётимизни эмас, балки бизнесимиз ёки карьерамизни режалаштиришга кўпроқ вақт ажратамиз. Натижада, биз кўпинча муваффақиятли, лекин аслида жуда чарчаган ва ўзини бахтли ҳис қилмайдиган одамларни кўрамиз. Шунинг учун, бизнес ўрнига эмас, балки муваффақиятли бизнес билан бирга тўлақонли ҳаёт кечиришни ўрганиш энг яхши ечимдир.

Тўлақонли ҳаёт инсоннинг барча асосий эҳтиёжларини қондиришни ўз ичига олади. Бу севги, дўстлик, фаровонлик, иш, соғлик ва севимли машғулотлар. Барча олтита таркибий қисмдан қониқиш ҳаёт тўлақонлиги кўрсаткичи ҳисобланади. Ва тўлақонли ҳаёт кечириш стратегиясининг асосий мақсади - йўқолган мувозанатни тиклаш, кейин уни сақлаб қолиш ва қониқиш даражасини ошириш. Албатта, таркибий қисмлар мувозанатини тиклаш, уни доимий қўллаб-қувватлашдан кўра осонроқдир. Аммо замон билан ҳамнафас бўлиш ва камчиликларни бартараф қилиш, ўз мувозанат нуқтангизни, бахтингизни топиш - мана шу тўлақонли ҳаёт кечириш ҳисобланади.

Таржимон "Aruana Baxt" таржима агентлиги