Қобилжон Шерматов: Толқон ботир

Кунларнинг бирида Офтобистон деган мамлакатни Шавлашоҳ исмли золим подшоҳ эгаллаб, халқини итдай талайди. Юртда очарчилик бошланади. Мана шундай қийин вазиятда тўсатдан Ёзёвон деган жойда Толқонботир исмли пақир кийган рицарь пайдо бўлиб, келгиндилар пойтахти Ҳузуровия сари йўлга равона бўлади. Шундай қилиб, у ўз яловбардорлари ҳамроҳлигида ажойибу ғаройиб, кулгили саргузаштларни бошдан кечиради. У доим бўйнида аяси рўмолига чугиб берган толқонини осиб юради. Чунки унга Яратган томонидан беқиёс куч-қувват жойланган бўлади. Энг қизиғи, унинг оти худди тракторга ўхшаб кетади. Олтмишвой темирчи бўлгани учун уни ўзи ясаб олади. Марҳамат, сиз ҳам ушбу «от»нинг бир чеккасига ўтирингда, Толқонботирнинг саргузаштларига шерик бўлинг!