Пауло Коэльо: Мактуб

Жаҳон адабиёти намояндаларидан бири Пауло Коэлонинг ушбу тўпламига «Мактуб» ҳамда «Портобелло жодугари» асарлари киритилган. «Мактуб» дунёнинг кўплаб ҳикматли сўзларини ҳамда умумбашарият учун бебаҳо хазина бўлмиш ўгитларини ўзида жамлаган асар. Уни ўқиш жараёнида китобхон ҳар қандай мураккабликларга осон йўл билан ечим топиш сирларини ўрганиб боради. "Портобелло жодугари» асарини ўқир экансиз гарчи ота-онасидан йироқда катта бўлган бўлсада, бир фарзанд учун ҳақиқий ота-она нима қилиши лозим бўлса, лўли қиз - Ширинни боқиб олган оила ҳам унга керагидан ортиқ меҳр кўрсатганининг гувоҳи бўласиз. Улғайгач, Шириннинг асли наслига қанчалик таъсир қилди? Умид билан вояга етказган Самира Халилга фарзандининг асранди эканлигини айтиш нима учун керак бўлди? Афина исми Ширин ҳаётига қанчалик дахлдор? Жодугарлик - қаҳрамоннинг ички ҳолатими ёки хоҳиши? Унинг сирли ўлими ортида яна қандай синоатлар яширин?

Мутолаа давомида ўқувчи жуда кўп саволлар қуршовида қолади, жавоблар ортидан яна жавоблар келиб чиқади, ўзини англамоқчи бўлган аёлнинг ҳаёт ва хаёл ҳақидаги ҳақиқатлари китобхон кўз ўнгида бор бўй-бастини кўрсатади ...