Muso Toshmuhammad o‘g‘li Oybek: Qissa hikoya va ocherklar

Oybek nasr va nazmni birgalikda olib borgan adib sifatida adabiyotimizda o‘ziga xos o‘rin egallagan. Uning she’riyati ko‘ngilga qanchalik yaqin bo‘lsa, nasri ham qalblarni shunchalik titratadi.

Agar Oybekning qissa va hikoyalariga nazar tashlaydigan bo‘lsak, ularning deyarli barchasida yosh avlodni ezgulikka, adolatga, haqiqatga chorlaydigan fikr-g‘oyalarga duch kelamiz.

Masalan, “Bola Alisher” qissasida ulug‘ bobomiz Alisher Navoiyning bolalik davri yoritilgan.

Bu qissada yosh Alisher qalbidagi ezgulikka, she’riyatga va adolatga bo‘lgan muhabbat yorqin satrlar orqali ochib berilgan. “Fanorchi ota” hikoyasida esa yoshlar kattalarni hurmat qilishga, ularning mehnatini qadrlashga undaladi.

Mazkur to‘plamdan o‘rin olgan boshqa hikoya va qissalar ham yuqoridagilar kabi ezgulikka undovchi g‘oya va fikrlar bilan yo‘g‘rilgan.

Marhamat, o‘qing, zavqlaning!