Ойбек Акбаров: Гулдаҳан

Китоблар кўп, нашриёту босмахоналар ҳам кам эмас. Бирор ижодкор ўз битикларини тўплаб, истаганича, исталган вақтда китоб шаклида ўқувчилари ҳукмига ҳавола этиши мумкин. Айнан шу ҳолат ўқувчилардаги танлаш имконини ниҳоятда ошириб юборди. Яхши китоб эса, доимгидек ҳар куни ҳам чоп этилавермайди.

Ўзбекистон Ёзувчилар уюшмаси Тошкент вилояти бўлими ҳомийлигида чоп этилаётган мазкур тўплам Сиз излаётган китоб бўлса, ажаб эмас. Зеро, унда Тошкент вилоятида туғилиб, камол топаётган ёш ижодкорнинг қалб кечинмалари, самимий ўйлари, гўзал ва беғубор орзулари, уни қийнаётган, ўйлантираётган масалалар қаламга олинган. Уларнинг барчаси ёш ижодкорнинг илк машқларигина эмас, балки дадил сатрлари қатида Сизга гулдаста сифатида тақдим этилмоқда. Ёшларимизни қўллаб-қувватлаш, уларга оқ йўл тилаш мақсадида чоп этилган мазкур мўъжаз китобча Сизга манзур бўлишидан умидвормиз.