O.V. Узорова, Ye.A. Нефёдова: Математикадан 3000 та янги мисоллар (Жадвалли кўпайтириш ва бўлиш 2-синф)

Қўлланмада "Жадвалли кўпайтириш ва бўлиш" мавзуси бўйича 3000та математик мисоллар намунаси келтирилган. Материалнинг оригиналлиги мавзуни чуқурроқ ўзлаштиришга имкон беради.

Амалиётда маълум бўлганидек, агар ўқувчи мисолни ечиб, 4-7 дақиқада жавобини ёзса, демак, у мавзуни тўла ўзлаштирган ҳисобланади. Ушбу ҳолатда кўникма ҳосил қилинган деб айтиш мумкин.

Ҳар бир саҳифада ҳар бирида 52та мисол бўлган 7та устун берилган. Устун охирида ўқувчи топшириқни бажаришга сарфлаган вақт ёзилади. Пастки чап бурчакка назорат рақамлари: битта устундаги мисолларни ечишга сарфланадиган энг мақбул вақт, қониқарли вақт ва ўқувчини ўйлантиришга мажбур қиладиган натижа белгиланади. Энг яхши натижаларга эришиш учун ҳар куни бир саҳифадан мисолларни ечиш лозим.

Топшириқни бошқалардан олдин бажарган ўқувчилар учун, шунингдек, мавзуни янада самарали ўзлаштириш учун ҳар бир саҳифа охирида мураккаб топшириқлар - бонуслар берилган.

Қўлланмадан математика дарсларида қўшимча материал, шунингдек, уйга вазифа сифатида фойдаланиш мумкин.