Омина Шенликўғли: Мен кимнинг қурбониман

Асар воқеаси вояга етмаган 13 ёшли Гулшан исмли бир қизнинг қишлоқдан шаҳарга - қариндошиникига меҳмон бўлиб келган кундан бошланади. Асарни ўқир экансиз, "шаҳарчасига" кийиниб, қариндоши билан истироҳат боғини томоша қилиш учун чиққан ва шу боғда қариндоши томонидан "унутилиб" қолдирилган бу қишлоқ қизининг аччиқ ва аянчли қисматини, унинг ўсмирлик даври ва айни гул ёшлигининг маҳбусликда ўтиши воқеаларининг гувоҳи бўласиз.

"Мен кимнинг қурбониман?!"... муаллиф ўзи таъкидлагани - дек, ҳаётий воқеалар асосида яратган ушбу асарида у инсонларни лоқайдлик, фирибгарлик, жоҳиллик ва илмсизлик каби иллатлардан пок бўлишга, жамиятда уйғоқ яшашга чақиради.

Юзлаб, минглаб Гулшанлар, айбсиз айбдор бўлиб, ноҳақ жабр чеккан, адолатсизлик қурбони бўлган инсонлар томонидан ҳақли равишда берилган "Мен кимнинг қурбониман" деган саволга Омина Шенликўғли кенг ва асосли фикрлар билан жавоб беришга бел боғлайди ва бунинг уддасидан чиқади.