Ergashboy Matyoqubov: Oltin baliq

 Bolajonlarimiz dunyoqarashini o‘stirish, ularda kitobga muhabbat uyg‘otishda ertakning o‘rni beqiyos. Zero, ularning yaxshilik va yomonlik haqidagi ilk taassurotlari ham aynan ertaklar qahramonlari timsolida shakllana boshlaydi. Murg‘ak qalblarda yaxshilarga va yaxshilikka rag‘bat paydo bo‘ladi. Shu ma'noda ertak tinglayotgan yoki o‘qiyotgan damlari bolalar uchun eng samarali tarbiya soatidir. Shuni inobatga olgan holda “Akademnashr” nashriyoti endi ibratli ertaklarni saralab, “Tarbiya soati” ruknida ixcham kitobchalar ko‘rinishida chop eta boshladi. Umid qilamizki, farzandi tarbiyasi borasida jon kuydiradigan har bir ota-ona, qolaversa, bog‘cha tarbiyachilari uchun mazkur rukndagi kitoblar eng yaqin ko‘makchiga aylanadi.