Окай Тирякўғли: Абдулҳамид сўнгги ҳукмдор (лотин ёзуви)

Ёзган тарихий асарлари жаҳон бестселлерлари рўйхатида ўз ўрнига эга бўлган бир қанча мукофотлар соҳиби, адиби Окай Тирякиўғлидан ўткир сюжетли яна битта роман сизлар учун армуғон қилинди.

Энди сиз «Абдулҳамид» билан биргаликда усмонлилар жумбоқли ва қизғин даврини яшашга тайёр туринг. Султон Абдулҳамиднинг сир-синоатга тўла саройга қадам ташлар экансиз, буюк султоннинг халқаро сиёсий музокараларида ўзингиз ҳам иштирок этаётгандек бўласиз.

"Биродарлик жамияти" номланувчи гуруҳнинг йиллар давомида тайёрланган учта анархисти томонидан Парижда бошланган тартибсизликларининг Истанбулда уюштирилган суиқасдга бориб тақалишининг ечими топилиб, энди ҳаммаси изига тушади деб ўйларкансиз, бирдан ўзингиз ҳам саройдаги воқеаларнинг қоқ марказига тушиб қоласиз. Гўёки султон Абдулҳамид олдида пайдо боласиз. Ана энди сиз ўзингизни қизиқтирган саволларнинг жавобини топа бошлайсиз:

93-урушда нималар бўлган?

Фаластин можароларида-чи?

Конституцияни қабул қилиш жараёнлари қандай ўтган?

Парламент нега тарқатиб юборилган?

"31 март воқеалари" нимани билдиради?

Султон билан жосуслар ўртасидаги қизғин тортишувларда иштирок этиб, сиз ҳам саройдаги ҳийла-найранглар ўртасида юрасиз. Дўст-душманнинг, хиёнат муҳаббатининг қаердан қандай пайдо бўлишини билиш қийин бўлган бу романнинг бош қаҳрамони образида шахсан иштирок этаётгандек ҳис қиласиз ўзингизни.