Одинахон Муҳаммад Содиқ: Келинг, Қуръон ёдлаймиз
Описание товара
Маълумки, халқимиз қадимдан Аллоҳ таолонинг Каломига муҳаббати беназир, Қуръон аҳлига мухлис, уни ўқиб-ўрганишга, ёд олишга иштиёқманд элдир. Бу азиз халқ Роббининг Каломига бўлган иймони, муҳаббат ва иштиёқи камоли баландлигидан ҳатто шўро даврида ҳам Қуръони Каримни кафтида чўғ тутгандек сақлаб, Қуръонни ўрганиш ва ўргатишни фидокорлик билан давом эттириб келди. Аллоҳга ҳамдлар бўлсинким, юртимиз мустақил бўлгандан буён турли илмий соҳалар қатори, Қуръон таълими ҳам тараққий этди. Халқимизда кун сайин Қуръони Каримга бўлган эътибор ошгандан ошиб бормоқда. Жумладан, Имом Бухорий номидаги Тошкент Ислом институтининг алоҳида «Таҳфизул Қуръон» кафедраси мавжуд бўлиб, у Қуръон ҳофизларини тайёрлашга ихтисослашган.
Қўлингиздаги китобда қандай қилиб Қуръон ҳофизи бўлиш ҳақида сўз боради.
Китоб олти бобдан иборат бўлиб, биринчи бобда Қуръон ҳақида, уни ёд олишнинг фазилатлари баён қилинади.
Иккинчи бобда Қуръони Каримга оид одоблар борасида сўз юритилса, учинчи бобда Қуръонни ёдлаш услублари, зеҳнни ишга солиш, унутишдан сақланиш, такрорлаш каби мавзулар билан танишасиз.
Тўртинчи бобдан Қуръони Каримга оид баъзи қизиқарли маълумотлар ўрин олган.
Бешинчи бобда эса Қуръонни ёд олиш ва хатм қилишни осонлаштирувчи айрим жадваллар тақдим қилинган.
Маълумки, Қуръони Каримда бир қанча муташобиҳ (ўхшаш) оятлар бор. Кўпчилик қорилар ана шу ўхшаш оятларни ёддан тиловат қилганларида адаштириб ҳам қўядилар. Бундай ўхшаш оятларни яхши ўзлаштириш, уларнинг фарқларини билиб, бир‑биридан ажратиб олиш алоҳида эътибор талаб қиладиган илм бўлгани учун сўнгги олтинчи бобни муташобиҳ оятларга бағишладик. Бу мавзуни баён қилиш учун қадимги ва энг ишончли манбалардан иккитаси асос қилиб олинди. Улар шайх Абул Ҳасан Алий ибн Муҳаммад ибн Абдуссомад ибн Аттос Ҳамадонийнинг «Ҳидоятул муртаб» китоби ҳамда Абу Абдуллоҳ Муҳаммад ибн Абдуллоҳ Асбаҳонийнинг «Дурратут-танзил ва ғурратут-таъвил фил аятил муташабиҳати фи Китабиллаҳил Азиз» номли асаридир.
Рисола мустақил ўқувчилар ҳамда исломий билим юртлар талабалари учун мўлжалланган.
Характеристики
ISBN | 978-9943-7031-0-0 |
Язык | На узбекском |
Количество страниц | 416 |
Издательство | Ҳилол-нашр |
Тип обложки | Твердая |
Формат бумаги | A5 |
Год издания | 2021 |
Отзывы
Оставьте отзыв о товаре первым
Рекомендуем
Одинахон Муҳаммад Содиқ: Келинг, Қуръон ёдлаймиз
Известные бренды