Одил Икром: Хаёл мақбараси

Шеър шундай ҳодисаки, ундаги ҳар бир Сўзнинг ортида бутун бошли дунёлар яширин болади. Ўзи билан тугаган сўз - шеърники эмас. Шеърни хис этмоқ, англамоқ учун Сўз чуқурликларига тушмоқ лозим болади. Бу шундай чуқурликки, унга тушганингиз сайин юлдузли осмонга поғонама-поғона чиқиб бораётгандек бўлаверасиз.

Шеърдаги хар бир сўз уз шеригига эга. Шериклик, тақозодорлик тазодий, ташбеҳий, тимсолий жиҳатлардан содир бўлади. Бу - Аллохнинг ягоналигини, қолган барча нарса-ҳодисаларнинг шериги, ўхшаши болигини ҳис ва эътироф этиш хосиласидир.

Бетақрор шоир Одил Икромнинг шеърларини ўкир экансиз, кўнглингиздан ана шундай ўйлар кечади ва кўпдан буён, эҳтимол умрбод соғиниб юрганингиз нианидир топгандай бўласиз...