Нуриллоҳ Остон: Ой чўмилар чайлада

Таниқли болалар шоири Нуруллоҳ Остоннинг кичкинтойларга бағишлаб ёзган шеърларини болалар эмас, ҳатто катталар ҳам завқ билан ўқийди. Қисқа ва ихчам, болалар учун тушунарли, содда тилда ёзилган, ранг-баранг қочирим ва образларга тўла.

Китоб, мактаб, боғча ва кичик ёшдаги ўқучиларга мўлжалланган бўлиб, ундан кичкинтойларнинг беғубор шўхликлари, уларнинг ҳайрат ва соддаликка тўла самимиятлари қаламга олинган. Мазкур шеърий тўплам ана шундай ранг-баранг мавзуларни ўз ичига олган ва ўқувчиларнинг дунёқарашини, тасаввурини кенгайтиришга хизмат қилади.

Шоирнинг ушбу тўплами болалар оламини кашф этиш йўлидаги тадқиқотларнинг давоми, яна бир қадамдир.

Шоир қувноқлик, юмор орқали ўқувчиларнинг ўзига сездирмай уларни тарбиялайди. Бу тарбия болаларнинг хатти-ҳаракати, характеридаги камчиликларни йўқотишга қаратилган бўлибгина қолмай, уларнинг эстетик дидини оширишга, табиатга, атроф оламга чуқурроқ қараб, уни англаб олишига ёрдам беради.