Nuriddin Ismoilov: Sher yigit

Maxfiy xizmat xodimlarining xavf-xatarlarga to‘la jo‘shqin hayoti. Baʼzan har soniyada, har daqiqada o‘lim bilan yuzma-yuz kelgan, Vatan manfaatini o‘z hayotlaridan ustun qo‘ygan mard yigitlar jasorati; ezgulik va yovuzlik, sadoqat va xiyonat, poklik va razolat, eʼtiqod va ochko‘zlik o‘rtasidagi abadiy kurash. Bunday keng ko‘lamda aks ettirilgan voqealar ko‘pchilikni qiziqtirishi tabiiy. Isteʼdodli adib Nuriddin Ismoilovning mazkur sarguzasht asarida sho‘ro davrida maxfiy xizmat tizimida ishlagan yosh o‘zbek yigitining favqulodda qiziqarli va o‘ta xavfli faoliyati aks etgan. Roman ikki kitobdan iborat va avval alohida kitoblar holida nashr etilgan. Qo‘lingizdagi mazkur nashr har ikki kitobni jamlagan shaklda chop etilmoqda.