Насиба Эрхонова, Шоира Исакова: Психолог китоби

"Психолог китоби" мактабгача таълим ташкилотлари психологларининг йиллик иш режасидаги вазифаларни бажаришда зарур бўладиган методикаларни ўз ичига қамраб олган амалий қўлланма.

Психолог - болалар, уларнинг ота-оналари ҳамда ташкилот ходимлари учун керак ли мутахассис. Психолог болалар билан ишлар экан, ота-оналар бундан хавотирланмасликлари керак, чунки у шифокор эмас, ташхис қўймайди. Педагог-психологнинг вазифаси бутунлай бошқа. МТТ психологи қуйидаги вазифаларни бажаради:

Бола билан ишлаш. Психолог биринчи ўринда боланинг характери, унинг руҳияти, қўрқувларини ўрганади. Фарзандингизнинг болалар боғчасига мослашиши, тенгдошлари билан мулоқотга киришиб кетишидаги муаммоларни ҳал қилишга ёрдам беради.

Боланинг ота-онаси билан ишлаш. Психолог ота-оналар билан ишлашда бир неча усуллардан фойдаланади. Боланинг боғчага келгандаги ҳолатини тушуниб, ота-онага фарзанди билан қандай муносабатда бўлиш кераклиги ҳақида тавсиялар беради.

МТТ ходимлари билан ишлаш. Тарбиячининг ташкилотдаги иши оддий, катта меҳнат талаб қилмайдигандай кўринади. Аммо бу нотўғри. Психолог боғчада педагогнинг ёрдами билан иш юритади. Педагог ҳамда психолог ўзаро маслаҳатлашган ҳолда боладаги муаммоларни ҳал қилишади. Педагог гуруҳдаги ҳар бир бола билан тил топишиши, жажжи юракчасига кириши, унга дўст, ўртоқ бўлиши керак.