Мўмин Ҳотамзода: Тайфур

"Тайфур" асари ХИХ асрнинг иккинчи ярмида Марказий Осиёдаги тарихий воқеалар - Россия империясининг Туркистонга босқини, Қўқон ва Бухоро хонликларининг таназзули, шунингдек, Ўратепа шаҳри ва унга яқин ҳудудлардаги халқ турмуши, юртпарвар инсонларнинг кураши ва юракларни титратар фожиали тақдирларини тасвирлайди.

Асар марказида турли ижтимоий қатлам ва табақаларга мансуб шахслар образи орқали мураккаб тарихий воқелик, инсон руҳиятидаги кечинмалар ва миллий ўзлик масалалари ёритилган.

Унинг бош қаҳрамони - Тайфур, ўзининг сирли ўтмиши, ички зиддиятлари, муҳаббат сабаб юзага келган фожиали қисмати билан асар драматизмини оширади.

Асар ўқувчини ХИХ аср Туркистонининг ғамгин, лекин шарафли саҳифаларига бошлайди. Рус босқини арафасидаги Ўратепа ва Тошкент шаҳарларининг ҳаёти, миллий бирликка чақирув, шаҳар муҳофазасидаги халқ жасорати ва айни пайтда содир бўлаётган ичкаридаги хиёнатлар калбни титратмай колдирмайди. Тарихий воқелик, халқ оғзида сақланган ривоятлар ва қаҳрамонлар тақдири ўртасида муаллиф маҳорат билан бадиий кўприк қурган.

Бетма-бет ўқир экансиз, бу асар фақат ўтмиш ҳақида эмас, балки бугун ва эртанинг ҳам дарди эканини ҳис этасиз.