Muhammad Zarif Muhammad Olim: Islomda salomatlik (Hilol-nashr)

Asarda Islom dinida davolanishning hukmi, tabobatga munosabat haqida qimmatli maʼlumotlar mavjud bo‘lib, o‘quvchining davolanishiga bo‘lgan qarashlari, munosabatlari to‘g‘ri o‘zanga soladi.

Muallif Islomda salomatlikka berilgan eʼtiborini harakat qilar ekan, ibodatlarning inson sog‘ligiga foydalarini ham bayon etishga harakat qilgan. Bu boradagi maʼlumotlardan ibodatlar jismoniy manfaatlar uchun ado etilar ekanda, degan maʼno tushunmaslik kerak. Balki bu dunyodagi ajru savobi deb tushunish lozim. Zotan, ibodat yolg‘iz Alloh uchun ado etiladi va uning tom maʼnodagi savobi uxraviy deb qaraladi.

Kitobda bevosita sog‘liqni saqlashga qaratilgan bir qator sunnat amallar ham sanab o‘tilgan. Ularda salomatlikni asrash ko‘zda tutilgan bo‘lsa ham, amal qilishda sunnatni bajarishni qasd etish darkor, ana shunda amal savobli bo‘ladi va jismoniy foyda ham qo‘lga kiraveradi.

Muallif kitob oxirida musulmon tabiblaridan ayrimlari bilan qisqacha tanishtiradi. Bu ham o‘z navbatida ko‘pchilik uchun manfaatli ish bo‘lgan.