Муҳаммад Исмоил: Тараддуд

Вақт шиддат билан ўтиб бормоқда. Бугун нима воқеалар бўлганини англаб улгурмай эртанги куннинг тонги отмоқда. Бўлган воқеа-ҳодисалардан хулоса чиқариш, бир тўхтамга келиш, жавоб топиш учун вақт керак бўлиб қолмоқда.
Муҳаммад Исмоилнинг ушбу китобида бугунги куннинг оташ нафаси, ўйлари, оғриқлари, кечинмалари ва ўзига хос хулосалари акс этган. Ҳар бир инсон бу дунёга келар экан, албатта, унинг бу ҳаёт ҳақида айтар сўзлари бўлади. Ушбу китоб орқали Муҳаммад Исмоил ҳам ўз сўзларини айтмоқда. Марҳамат, замондошингизнинг сўзларини ўқиб кўринг. Балки, у, сизга маъқул тушар. Балки, у сизнинг кўнглингиздаги сўзларни ёзгандир. Агар шундай бўлса, биз ушбу китобни чоп этиб янглишмаган бўламиз.
Ҳар ҳолда ушбу китоб эзгулик сари “Тараддуд”дир!

Муаллиф – Муҳаммад Исмоил
Лойиҳа раҳбари – Аҳмад Тўра
Муҳаррир – Муҳиддин Абдусамад
Техник муҳаррир – Анвар Жабборов
Бадиий муҳаррир – Муҳаммадхон Юсупов
Мусаҳҳиҳ – Ойдин