Михаил Булгаков: Ёш врач кундалиги

Шифокорда билим ва тажриба уйғун бўлсагина муваффақиятга эриша олади. Михаил Булгаковнинг «Ёш врач кундалиги» асарини мутолаа қилар экансиз, шифокорда ана шу икки омил билан бирга қатъият, жасорат ва ўз вақтида тўғри қарор қабул қила олиш кўникмасининг шаклланиши бирламчи аҳамият касб этишига амин бўласиз.

Асарда ХХ аср бошида рус жамиятидаги оддий одамлар қиёфаси бутун бўй-басти билан намоён бўлади: содда, ишонувчан, самимий. Шунингдек, камчиликлар ҳам рўй-рост қаламга олинган. Кўприк остида кўзи ёриган аёлни шифокор: «Фарзандингни дунёга келтириш учун шу ердан бошқа жой топа олмадингми?» деб койиганида, аёл: «Дард тутиб турганида қайнотам от-арава бермади, врачлик пункти унчалик узоқ эмас, пиёда етиб ол», деб айтди, дея жавоб беради. Бу турмуш тарзининг йигирманчи асрга хос кўринишларидан бири эди.

Мухтасар айтганда, фан-техника ва ахборот технологиялари тараққиёти виртуал ва айни дамда сохтакор муносабатларни авж олдирган бугунги кунда самимий муносабатларга қурилган ушбу асарни ўқиш кишига ўзгача мароқ ва кайфият беради!

Таржимонлар: Барно Тожибоева, Асомиддин Муродов, Рамазон Боймирзаев