Mehribon Abdurahmonova: Saylanma

Ushbu kitobdan “Dasht qissasi”, “Gulzor qishlog‘ining gulduraklari”, “Qonli shafaq surati” nomli qissalar, “Dadamga maktub”, “Boybo‘sin tavakkal qildi”, “Qo‘shnilar” kabi turkum hikoyalar joy olgan.

Adiba o‘z asarlarida qishloq odamlarining qayg‘u va quvonchlari, o‘y-tashvishlarini o‘zi bilgan, ardoqlagan xalqining ko‘ngliga quloq tutib, shu asosda tug‘ilgan fikrlarni badiiy ifoda qilar ekan, kitobxonni beixtiyor voqeliklar ichiga yetaklab ketadi.

Qishloq yoshlarining beg‘ubor muhabbati, ularning orzu va armonlari, o‘y-fikrlari, maqsad va intilishlari turfa, bir-birini takrorlamaydigan dasht odamlarining chin insoniy fazilatlari-yu nuqson va kamchiliklarigacha – barcha-barchasi siz-u bizlarga tanish, yurakka yaqin.

Ushbu kitob sizning eng sevimli asarlaringiz orasidan joy olishiga ishonamiz.