«Маснавий»дан ёшларга ибратлар ва ҳикматлар

«Маснавий» ҳақиқатга элтувчи ва Аллоҳнинг сирларидан огоҳ қилувчи, ақл юритувчи инсонлар учун ҳидоят йўлидир.

«Маснавий» диннинг асл моҳиятини тушунтирадиган, Аллоҳнинг энг улуғ шариати ва ундаги ҳақиқат сари етаклайдиган нурли йўлдир.

«Маснавий» Қуръонни янада теранроқ англашга ёрдам берур, хулқларни гўзаллаштирур.

Кўнгиллари тоза инсонлар, ҳақиқатни севганлардан бўлак кимсаларнинг «Маснавий»га тегишига рухсат йўқдир.

Мазкур китобни тайёрлашда Самих Ёлачаннинг «Маснавийдан ёшларга ҳикоялар ва саволлар» китоби, шунингдек, «Маснавий»га ёзилган бир неча шарҳлардан фойдаланилди.

Шарҳлар ўзбек халқ мақоллари, мумтоз адабиёт намуналари, муҳтарам олимларимизнинг фикрлари ва «Саодат асри» ривоятлари билан тўлдирилди.