Мақсуд Қориев: Ибн Сино (Турон замин)

Дунё аҳли Абу Али ибн Синони тиббиёт соҳасининг тенгсиз арбоби сифатида танийди. Бироқ аллома умри давомида бошқа фанларда ҳам изланишлар олиб бориб, кўплаб соҳаларда салмоқли ютуқларга эришган.
Асарни ўқиш жараёнида алломанинг бутун ҳаётини оғир дарбадарликда яқин инсонларига нисбатан соғинч ҳисси билан ўтганлигига гувоҳ бўласиз. Ибн Синонинг шундай оғир шароитларда ҳам тинмай илм-фан билан шуғулланиб, хасталарни даволаганлиги таҳсинга сазовордир. Ишонамизки, роман мана шу томонлама ўз олдига улкан мақсадларни қўйган ёш китобхонларимизга руҳий далда бера олади!