Салим қори Қодиров: Аёлни эъзозлаган дин

Арабистондаги жоҳилият даврида қабила кишилари аёлга дунёнинг матоҳи сифатида қарар, аёллар фақат уй юмуши ва эркак кишининг шаҳвати учун керак, деб ҳисоблар эдилар. Оила масаласи жуда оғир аҳволда бўлиб, аёл кишини мол-у мулк сифатида мерос қилиб олиш оддий ҳол эди. Аёлга қилинган таҳқирона муносабатлар, унга етказилган турли зулмлар тўғрисида Қуръони Карим оятларида баён қилинган.

Муқаддас Ислом дини аёлга тўлақонли инсон сифатида қараш масаласини ўртага қўйди. Шунингдек, у аёл киши ҳам худди эркак кишидек, ҳақ-ҳуқуққа эга эканини эълон қилди. Расулуллоҳ соллаллоҳу алайҳи васаллам бу тўғрисида: «Албатта, аёллар эркакларнинг ёрти қисмидир», деб марҳамат қилдилар (Имом Термизий ривояти).

Ушбу рисолада айнан аёлларга нисбатан қандай муносабатда бўлиш лозимлиги далил-исботлар ила музайян қилиб кўрсатиб берилган.