Жон Дуглас, Марк Олшейкер: Қотилнинг психологик портрети

Ушбу китоб, муаллиф таъкидлаганидек, Голливуднинг навбатдаги блокбастери ёхуд триллери эмас. Бу йигирма беш йил давомида Америка Қўшма Штатлари Федерал қидирув бюроси махсус агенти Жон Дугласнинг ўзи гувох бўлган энг оғир жиноятлар: Ваҳший кетма-кет қотилликлар, ўғирлаш ва болаларни жинсий эксплуатация қилиш орқали содир этилган қотилликлар билан боғлиқ мингдан ортиқ тергов ишлари ёритилган китобдир.

Унда муаллиф ўзи ишлаган Терговга кўмаклашиш бўлимининг жиноят жойидан олинган фотосуратлар асосида ўзлари ишлаб чиққан усул қотилнинг шахсиятини таҳлил қилиш орқали жиноятчини фош этиш йўлларини муфассал баён этаркан, мутахассисларнинг нафақат жиноятчи турини аниқ кўрсатибгина қолмай унинг жиноят содир этилгандан кейинги хатти-ҳаракатларини ҳам тасвирлаб бериш тажрибалари билан ўртоқлашади.

Энг муҳими, муаллиф, юқорида қайд этилган жиноятларнинг олдини олиш ҳақида сўз юритар экан, зўравонлик жиноятлари сонини камайтирувчи ягона қурол жиноятчилар етиштиришни тўхтатиш экани, бу борадаги ҳақиқий кураш оиладан, фарзандларни тўғри тарбиялашдан бошланиши кераклигини бот-бот такрорлайди.

Фарзанд тарбияси йўлидаги ушбу қуролга ҳар замон эхтиёжимиз бор экан, демак, бу қуролни ишлатиш йўл-йўриғи жамланган мазкур китобни фарзанд улғайтираётганларнинг барчасига илиндик.