Жан-Жак Руссо: Ижтимоий шартнома

Жан-Жак Руссонинг "Ижтимоий шартнома" асари инсон ва давлат ўртасидаги адолатли келишув ғоясига асосланади. Муаллиф инсон табиатан эркин туғилишини, бироқ жамият ва ҳокимият бу эркинликни чеклаб қўйишини таъкидлайди. Руссо ҳақиқй сиёсий ҳокимият фақат халқнинг розилиги ва умумий иродага асосланганида адолатли бўлиши ҳақидаги фикрни илгари суради.
Руссо ўз асарида эркинлик, тенглик ва фуқаролик ҳуқуқларининг моҳиятини тушунтириб, демократик бошқарувнинг фалсафий асосларига урғу беради. "Ижтимоий шартнома" нафақат сиёсий тафаккур ривожига улкан таъсир кўрсатган, балки бугунги кунда ҳам эркинлик ва адолат излаётган жамиятлар учун долзарблигини сақлаб қолган асардир.